بسم الله الرحمان الرحيم
السلام عليكم و رحمة الله و بركاته
هاي بنات كيفكم وش اخباركم ؟
اليوم وبعد غياب طويل عن المنتدى
راح اكتب هذا الموضوع الجديد اللي راح تضحكون منه:
صواريخ البنات في المدرسه:
ليش حاطه كحل ؟
امس عندي عرس ومامداني امسحه.. أو أبلة مسحته الصبح بس مو راضي يروح .. أو أبلة عيوني مكحلة من الله ! ..ولما توخر وااااااي الابله هذي عله لوعت كبدي ..
ليش حاطه مسكرا ؟
رموشي كذا طبيعيين .. أو لا لا ابله والله مايرووووووووووح شوفي ..ولما توخر المدرسه وااااااااااي كيفي بمدرسة بنات انا
ليش لابسة بدي مو قميص ؟
خدامتنا خربت القميص بالمكوى اليوم ..أو ابله قميصي انشق وبعدين البدي ابله فيني حساسيه <<<< اي صح
ليش لابسة صندل ؟
اخوي داس بوتي ومو راضي يطلعه ..أو فيني مسمار لحم أو فلات فوت ..ابله رجلي مكسوره لوووووووووووووول
ليش لابسة مريول قصير ؟
لا اهو تحت الركبه بس غسلناه امس وكش ..
ليش حاطه روج ؟
لا ابله مو روج شفايفي فيهم مشق والطبيب قال احط زبده ..
ليش فاكه شعرك؟
كنت بالبدنية اسوي تمارين وطاحت مني ومادري وينها تدرين ابلة شعري بريسم....دعي شعرك يتنفس .. أو ابله انكسرت الشباصه
ليش مطولة اظافرك؟
ضاع المقص.. أو في لحم تحت اظافري لما اقصه يعورني ..
ليش مو حاضره الحصه ؟
الابلة طردتني.... أو عندي فراغ ..او اصلا مادري اني بالشعبه هذي مغيرين مكانه <<<<< صح صح
ليش حاطه راسك ع الدرج ؟
تعبانه راسي يعورني يعني حرام اتعب <<< انزين الابله ماقالت شي
ليش تسولفين مع صديقتك بالحصه ؟
لا قاعده اسألها عن الدرس ... أو خطك مو واضح قاعده اسألها عن الكلام الي عالسبوره .. <<<(( وبقلبها اوووووووو درسك ملل ويلوع الكبد ))
صراحه ينطبق الموضوع على مدرستنا
وش رايكم بنات؟؟؟
ارجو ان يعجبكم ولاتنسو الردود تكفون
