السلام عليكم و رحمة الله و بركاته
(صور مقاطع يوتوب يمكن الضغط عليها, افتحها اذا تبي تسمع الاغنية من يوتوب )
الرجاء الانتظار ريثما يتم اكتمال تحميل الصور
صناعة الموسيقى المعتاده في السوق تعتمد على عدة مراحل متتابعه لا يمكن القفز فوق اي منها اول شي الشركة تحتاج مغني صوته ممتاز! اذا الصوت كان معوق ما احد بيشتري السنقل (إلا لو كان من بزران الجونيز )
ثاني شي يحتاجون فريق موسيقي يعزف الاغنية, من بيانو و قيتار و اصوات في الخلفية و يحتاجون استوديو و خبير صوت يدمج لهم الاغنية و يجهزها للغناء.
ثالث شي يحتاجون يركبون الصوت على الموسيقى و يعدلون اي شي مو مضبوط, بعدين ينتقلون لتصوير البي في, و البي في ايضاً يحتاج مخرج و ممثلين و استوديو و فنيين اضاءة و كاسات قهوه و ماي و غدا.
بعد كذا تبدا الشركة تضيع فلوسها في التسويق و تطلع المغني الجديد في برامج التلفزيون عشان يسوق للسنقل و يقول للناس يوروشكواونيقاي شيماس
عاد الحين شركة ياماها قالت: ليش خسارة الفلوس على ناس حقيقيين؟ <- الي ما يعرف شركة ياماها تراها اشهر شركة في مجال الدراجات النارية و الادوات الموسيقية, ما بقت آله ما اخترعوا لها مرادف الكتروني, يبيعون بيانو الكتروني, كيبورد الكتروني, كمان الكتروني, و كل واحد يموت اكثر من الثاني
<- شلون صارت السالفه فصله على الادوات الموسيقيه؟
فـ هالشركة الرائعه و الجميله قامت تفرجت على المستودع عندهم, و شافوا ان عندهم بيانو الكتروني, و قيتار الكتروني, و كمان الكتروني, و كل شي في الحياه الكتروني. ما باقي إلا شي واحد
مين بيغني هالأغنيه الالكترونية؟!
قاموا اخترعوا إنسان الكتروني يغني لهم
اتكلم جد المستقبل قد جاء حقاً و تهديد الآلات لمسح الإنسان من وجه الأرض قد بدأ <- قسم عدنان و لينا من هناك يمه
تعرفوا على البرنامج الالكتروني, المغني الثنائي الأبعاد:
VOCALOID
[ندعوك للتسجيل في المنتدى أو التعريف بنفسك لمعاينة هذه الصورة]شكلها اظرف من الف ايومي هاماساكي <- برااا
طيب كيف يشتغل هالبرنامج؟
الخطوة 1- افتح البرنامج
الخطوة 2- اختار المغني\المغنيه (ضغطة زر)
الخطوة 3- ارسم النوتات الي تبي البرنامج يغنيها و اكتب الكلمات
الخطوة 5- افتح اي برنامج موسيقى عندك و ركب الكلام الي توك سجلته على الأغنية
الخطوة 6- ارفعها على يوتوب
[ندعوك للتسجيل في المنتدى أو التعريف بنفسك لمعاينة هذه الصورة]الصوره من جهازي عندي ميكو, رين\لين, و لوكا
هالعمليه ممكن تستغرق ساعتين (اذا الموسيقى عندك مسبقاً, او بتستعمل كاريوكي من اغنية معروفه) إلى اسابيع او اشهر (إذا تبي الشغل يكون احترافي وكنت فاضي ما عندك شغل )
تخيلوا
المهمه الي تستغرق فريق متكامل من شركات تمويل و اخصائيي الصوت و ستويوهات تسجيل و مغنيين متنوعين و خبراء ريمكسات, تم اختصارهم في برنامج واحد ما عنده حدود صوتيه زي الانسان العادي
و افضل شي ان كل هذا تقدر تسويه من جهازك, من غير ما تحتاج اي انسان ثاني في حياتك عشان يساعدك بس تحتاج جهاز و سماعات و ماوس و خيالك
و كالعاده, الشعب الياباني الكريم اخترع برمجيات صغيرة تساعدك في الانتاج عن طريق التخلص من سالفة الـ بي في, بأنهم سووا برنامج للرسم الثلاثي اسمه Miku miku dance يخليك تسوي كل نواحي البي في من شخصيات و حركات و رقص و خلفيات و كاميرا و إضاءة بنفسك!
(≧∇≦) (≧∇≦) (≧∇≦) (≧∇≦) (≧∇≦) (≧∇≦)
فهمنا كل هذا, لكن وين الإثبات؟ نبي نسمع!
تتوقعون شي الكتروني قبيح صح؟ نوتات مكسره و شي ما يعرف يتكلم و الطبقات تعور الاذن
اسمعوا بنفسكم )حطوا الصفاوه على اقصى درجة ممكنه عشان توضح الاشكال الجميله)
كل الشخصيات: HONEY
[ندعوك للتسجيل في المنتدى أو التعريف بنفسك لمعاينة هذه الصورة]نسخه ثانيه للي ما عجبهم الي فوق, اغنيه لفوكالويد واحد من غير بقية المجموعة اللطيفه
هاتسوني ميكو: MELT
[ندعوك للتسجيل في المنتدى أو التعريف بنفسك لمعاينة هذه الصورة]الي يبي شي دارك و غامض (افضل اغنيه سمعتها بالفوكالويد بالنسبة لي سوتلي صدمه حضارية)
كاقامينيه رن: انصهار نووي
[ندعوك للتسجيل في المنتدى أو التعريف بنفسك لمعاينة هذه الصورة](≧∇≦) (≧∇≦) (≧∇≦) (≧∇≦) (≧∇≦) (≧∇≦)
وين كان مختفي كل هذا؟
هذي نقطة من بحر الفوكالويدوز البرنامج نازل من 2004 و كانت الأصوات الرئيسية تغني انقليزي, لكن ما اشتهر الفوكالويد بشكل انفجاري إلا من بدا التسويق في اليابان بشخصيات انيمي سموهم VOCALOID 2 يغنون ياباني و الحين لهم الالاف من الاغاني و الريمكسات و المقاطع العاهه (يعني ضحك و استهبال) و ملايين الرسومات
عاد اليابانيين ما قصروا, اخترعوا حق كل شخصية صفاتها الخاصه و الاكله الي تحبها و اخترعوا لهم قصص من عندهم ومسكوا خط لين صاروا فاندوم لحاله من غير اي تدخل من الشركه خخخخخخخخ
الفوكالويدز الانقليزيين ما احد يستعملهم بنفس الكثره, لذلك بعرفكم على اهم الفوكالودز اليابانيين هنا صفحة ويكي للي يبي يشوف قائمة الاصوات كلها, و هنا ويكي خاصه للفوكالويدز
هاتسوني ميكو | HATSUNE MIKU | 初音ミク
[ندعوك للتسجيل في المنتدى أو التعريف بنفسك لمعاينة هذه الصورة]اول فوكالويد ياباني, أسمها هاتسو (الأول) و ني (صوت) و اسمها الاول ميكو (المستقبل) يعني ترجمة اسمها: اول صوت نحو المستقبل
هالبنت الي شعرها اخضر و كلها ازرار هي اشهر فوكالويد في الحياه, لو تمسكين ياباني و تسألينه: تعرف الفوكالويد؟ يقول لك: وش هذا؟ تقولين له: هاتسوني ميكو! يقول لك: اوووووه! دايسكي!
ايه لهالدرجة خخخخ
صوتها مثلته Saki Fujita , هالإنسانه عطت ميكو قاعده البيانات الصوتية و الحين الناس ما يعرفون منهي ساكي فوجيتا, بس يعرفون ميكو خخخخخ <- هي تسجل الاصوات في الاستوديو بعدين الشركه تضبطها بحيث تصير الاصوات تقدر تقول اي كلمه .
ميكو بنت عاديه تلبس ملابس تشبه المريول المدرسي, و صوتها يناسب اي نوع من الاغاني, و ما ادري ليش اختاروا لها اداه مرافقه: بصلة اجنبية
[ندعوك للتسجيل في المنتدى أو التعريف بنفسك لمعاينة هذه الصورة]ثاني اشهر صوت هو لشخصين, ولد و بنت, لهم نفس القاعده البيانيه (يعني الي معطيهم الصوت شخص واحد خخخخ)
كاقامينيه رِن و لِن | KAGAMINE RIN\LEN | 鏡音リン・レン
[ندعوك للتسجيل في المنتدى أو التعريف بنفسك لمعاينة هذه الصورة]اسمهم يعني: صوت المرآه, و الشركه ما اعطت اكثر من كذا, لذلك الناس ما تدري هل هم انعكاس في المرآه و لا اخوان توأم و لا ايش بالضبط, لذلك فيه مليون الف قصه حق علاقتهم المحتمله
الي مثلت صوتهم وحده محترفه تمثيل اصوات انيمي اسمها Asami Shimoda , و من بعدها و شركة ياماها تحاول الحصول على اصوات اشخاص معروفين نسبياً لتكوين قاعدة البيانات الصوتيه للشخصيات
شخصية البنت رن ايقونتها برتقاله, و الولد لن ايقونته موزه, و مع بعض ايقونتهم رصّـاصة طريق <- شدخخخخخخخخخل
اغنيتهم المعوقه: ريفلوشن
(زعلانين من سيطرة ميكو على الرانكينق قاموا غنوا هالأغنيه خخخخخ )
[ندعوك للتسجيل في المنتدى أو التعريف بنفسك لمعاينة هذه الصورة]ثالث اهم فوكالويد هي احدث نسخه , وتتكلم انقليزي و ياباني بطلاقه
ميقورينيه لوكا | MEGURINE LUKA | 巡音ルカ
ميقوري: (يدور او يحيط بالشيء) فـ معنى اسمها: الصوت الذي ينتشر حول العالم <- يبون يسوقونها للمنتجين الاجانب
[ندعوك للتسجيل في المنتدى أو التعريف بنفسك لمعاينة هذه الصورة]طبعاً مبين من شكلها و ملابسها انها اكبر عمراً و شخصتها ثقل, عكس المخفات الي فوق بس ايقونتها حايسه الدنيا لأن ايقونتها: سمكة تونه
ميقورينيه لوكا: اريد ان آكل تونه
[ندعوك للتسجيل في المنتدى أو التعريف بنفسك لمعاينة هذه الصورة]امزح امزح هاكم اغنيه عدله لها , تغني مع فوكالويد ثاني اسمه قاكوبو GAKUPO صوته مأخوذ من المغني المعروف GACKT و قصة الفيديو ان قاكوبو يحب لوكا بس هي مو راضيه تقول مين تحب, و كل ما سألها شي قالت له: طس قوقله (اجابه مقنعه للمترصدين على الشبكة خخخخخخ )
[ندعوك للتسجيل في المنتدى أو التعريف بنفسك لمعاينة هذه الصورة]<- ليش بدا الموضوع كويس بعدين تحول إلى اغاني تبعث على الضحك؟
طبعاً فيه فوكالويدز رسميين واجد, اصواتهم تختلف و فيه منهم بنات و اولاد, و اهم معلومه في هالمجال هي: انت ايضاً تقدر تغير درجة حدة الصوت و ارتفاعه و تسميه الإسم الي تبيه و تخترع له شخصيه من عندك لها صفاتها و شكلها و اغانيها الخاصه يعني عندك مجال لا نهائي للأصوات الي تقدر تسوي فيها الاغنيه الي عندك, و بتقدر تلقى الصوت المضبوط لها لو بحثت شوي
من كثر الشخصيات الي صنعوها الفانز, ما نقدر نلحق عليهم, لذلك هاكم صفحه ويكي و تفرجوا بنفسكم, كل قسم فيه شخصيات مختلفه و شكلها مختلف, بس اكثر شي عجبني مجموعة الهيفي ميتال <- فيس يسعبل
(≧∇≦) (≧∇≦) (≧∇≦) (≧∇≦) (≧∇≦) (≧∇≦)
طيب مين الي متفرغ يسوي هالأغاني كلها بدون مقابل؟
مين يكتب هالاغاني و الكلمات؟
ناس ما عندهم فلوس و غير معروفين, اشخاص عاديين زيي و زيك , عندهم موهبه موسيقيه ووقت فاضي و جهاز كمبيوتر
طبقاً لـ خصوصية الاستخدام حق البرنامج: بما انك شريته إذن مسموح لك تسوي اي اغنيه تبيها و تبيعها في السوق و تاخذ عليها فلوس و تسوقها بكلللللللللل حرية
<- فيس يطالع مايكروسوفت على جنب و يقول: تعلموا منهم
أغلب الي يسوون الفيديوز هذول يسوونها كـ هوايه, زي الرسم و التصوير و كاريوكي, لكن بعضهم يحالفهم الحظ و تكلمهم شركه من شركات الموسيقى او الانيمي و تطلب منهم يسوون لهم شي رسمي!
اكبر مثال: سوبر سيل ( super cel) مجموعة شباب صاروا مشهورين بسبب شغلهم الاحترافي على اغنيه بصوت ميكو اسمها black rock shooter
احد اشهر اعمالهم اغنية النهاية لـ أنيمي bakemonogatari الي غنتها لهم مغنيه حقيقيه (هالأنيمي يحتاج يكون اطول )
ايضاً آخرين يسوون البومات بأصوات الفوكالويدز و يبيعونها, و تدخل قائمة الأوريكون (الي المغنيين المحترفين يسوون المستحيل عشان يرقون للمراكز الأولى فيها )
(≧∇≦) (≧∇≦) (≧∇≦) (≧∇≦) (≧∇≦) (≧∇≦)
يدخلون الاوريكون بعد؟ طيب انا ما عجبني الصوت الآلي حقهم!
خلاص لا تسمع الصوت الآلي
بما ان اليابان مليانه ناس فاضيه, و لأن مؤلفين الأغاني يحبون المشاركه, اغلبهم يحطون نسخة الكاريوكي من اغانيهم للعامه عشان يجربون صوتهم
بعض الاغاني تطلع احلى بصوت بشري, و بعض الاغاني ودك لو تنمسح من وجه الكره الأرضية لما يغنيها حد صوته سقيم
هالنسخ من الاغنيه يسمونها: محاولة غناء, او try to sing و عشان تلقاها في يوتوب ابحث بالكلمات 歌ってみた بمعنى (محاولة غناء)
هاتسوني ميكو: روميو و سندريلا (غناء: هانا تان) <- لا تطالعون الصورة
قاكامينيه رن: انصهار نووي (غناء تولاي)
كاقامينيه رن: انصهار نووي (غناء يوبي خخخخخخخخخخخخخخخخخخخخخخخ )
الي يحب هالشي يقدر يبحث عن الي غنوا, لكن الي موجودين في نيكو دوغا اكثر بكثير من الي في يوتوب
nico nico douga ياباني فقط, يحتاج تسجيل و ما يحبون الردود الاجنبية
youtube تعرفونه
vocaloid ranking
(≧∇≦) (≧∇≦) (≧∇≦) (≧∇≦) (≧∇≦) (≧∇≦)
تحمست تحمست منين اقدر اجيب هالبرامج عشان اسوي من عندي؟
اول شي بتحتاجه هو برنامج الفوكالويد نفسه و قاعده بيانات صوتيه (عادة تجي مرفقه مع البرنامج, لا تشيل هم) طبعاً تقدر تشتري اصوات مختلفه و تدخلهم في نفس البرنامج و تستعمل اي منهم في اي وقت او مع بعض في نفس الاغنية.
بكذا تصير تدخل برنامج واحد و الف صوت, بدل ما تحوس الدنيا و تركب الف برنامج لألف صوت
المفروض تشتريهم, لأن شغل ياماها احترافي, بس الي عادي عنده يستعمل نسخه مهكره و معدل عليها كثيييييييير ينزل هالشيء (انا ما نزلته لأن نصهم عندي و لأنهم مخلينه برنامج بإسم ثاني ما اقدر استعمله مع الي عندي )
[وحدهم المديرون لديهم صلاحيات معاينة هذا الرابط]مره اخرى: اشجعك تشتري الأصلي لأن اخطاءه اقل و لأنه حلال
ثالث شي بتحتاجه هو برنامج تأليف موسيقى عشان تسوي الموسيقى, و لو كنت بتستعمل موسيقى موجوده مسبقاً فـ بتحتاج ملف ام بي ثري فقط
اشهر برنامج في هالمجال: Fruity Loops او الإسم الجديد له: FL STUDIO
مدري منين يجيبونه لأني منزلته من سنين و استعمل طريقه معوقه عشان اتخلص من مشاكل انتهاء التسجيل لكنه يعتبر التوب في برامج الصوت (اعتبروه الفوتوشوب في مجال الموسيقى) صعب نسبياً لكن لو تعودت عليه بتطلع بنتيجه تشبه العزف الحقيقي. اغلب الموسيقى الحين تعتمد عليه نسبياً في اللمسات النهائية (بعض الموسيقى تصنع بشكل كامل بواسطته بدون عازفين حقيقيين)
موقع الشركه الرسمي:
كود:
[وحدهم المديرون لديهم صلاحيات معاينة هذا الرابط]و اخيراً, الشيء الوحيد المجاني قلباً و قالباً و مفتوح المصدر:
ميكو ميكو دانس miku miku dance | MMD
البرنامج حجمه صغير, لكن كل ما نزلت موديلات ثلاثية الابعاد بتتراكم عندك الميقابايتات و بتلقى عندك قرية كامله ثلاثية الابعاد من غير ما تحس
كود:
[وحدهم المديرون لديهم صلاحيات معاينة هذا الرابط]اضغطوا اول وصله عشان ينزل البرنامج
بعدين افتحوا هالويكي, و شوفوا اسم الشخصيه الي تبون تنزلونها (طبعاً كل شي ياباني, بس بعضهم اساميهم باينه, تقدرون تنسخون الاسم الياباني من هنا و تبحثون عنه في الصفحه)
كود:
[وحدهم المديرون لديهم صلاحيات معاينة هذا الرابط]و نزلوا المجسم الي تحبون و افتحوه بالـ MMD
صوره من ابداعات اخواتي الجميله <- من يقول ارتعت يوم فتحت عشان آخذ اي صورة
[ندعوك للتسجيل في المنتدى أو التعريف بنفسك لمعاينة هذه الصورة]وهنا يبين تركيب الاجزاء حق شخصية رن (لن جالس داخل مدخنة فوق بيت, لا تركزون واجد لو سمحتوا )
[ندعوك للتسجيل في المنتدى أو التعريف بنفسك لمعاينة هذه الصورة](≧∇≦) (≧∇≦) (≧∇≦) (≧∇≦) (≧∇≦) (≧∇≦)
اعتذر منكم على الموضوع المعوق مشكله لما يكون الموضوع يبدا كويس بس يخلص الكوفي في الوسط و يبدا الكلام يصير ما له معنى
كنت ابي اكتب عن الفوكالويدز لأنهم عالم جميل و لأني استغرب لما اشوف نقاشات من نوعية: الفرقه الفلانيه احسن من الفرقه الفلانية, و لا العالم السفلي يخوفون, و لا: شلون يدعيك قلبك تتركين الفرقه الفلانيه عشان الفرقه العلانية؟
فـ احب اقول لكم: العالم كبير و يسع اننا نحب كل الفرق مع بعض
حتى لو كانت الفرقه غير موجوده في الواقع و حتى لو كان المغني ما يقول لنا اسمه الحقيقي
و الحين صار عندنا فرصه نسوي موسيقى جميله حتى لو كانت اصواتنا نشاز خخخخخخخخ
اتمنى تكونون استمتعتوا بالموضوع و انه ما كان طويل و ثقيل على قلوبكم زي ما اتوقع يكون خخخ
<- بعد كل هالموضوع و هالنصائح لازالت تسمع قائمة كلها قاكت
